الاثنين، 25 أغسطس 2008

مطر



مطر و عصفور ارتعش

و بين ايديكى الطيبه طلب الأمان

ايوه بحبك أه بحبك من زمان

يا صاحبة القلب الرقيق خبينى من مطر الطريق عصفور انا 00عصفور انا طردونى من كل الشجر

خذينى فى عش الحنان 00خذينى فى عش الحنان و نشفى بشعرك جناحى من المطر

ليل بعد ليل و نجم ورا نجم أتحدف و أنا بغنى لكن لوحدى للأسف

لحنى الجميل مش لاقى انسان يسمعه00لحنى الجميل مش لاقى انسان يسمعه

ياريته ما أتغنى ياريته ما أتعزف

أزاى أغنى للربيع تحت المطر!

على الحجار مطر

الجمعة، 1 أغسطس 2008

حاجات أتعلمناها من الأفلام و المسلسلات العربى

المسلسلات:

*لما تيجى تدفع الفاتورة فى المطعم ..

عمرك ما تبص فى المحفظة ..لأنك دايما هتطلع الحساب بالضبط و تسيبة على الترابيزة..

*بابا الباشا هو دايما الشخص ألى لابس روب على القميص و البنطلون

و بيقرا الجورنال و بيدخن بايب أو سيجار..

*علشان تعرف ان دول شباب هتلاقى حاجة من الأتنين دول:

1-يا اما أودة نومهم كلها بوسترات مغنيين مجهولين و متعلقين بالمشقلب !

2-يا اما البنات لامين شعرهم ضفرتين و الولاد لابسين "ترينج"

*مش مهم أنت فاتتك كام حلقة هتلاقى الأحداث هى هى:

بابا ضحك على طنط نادية و أستحوذ على معهد التجميل بتاعها, نانيس بتحاول تقول لبابا أنها متجوزة عرفى.

*ميدو أشترى نظارة شمس حمرا علشان هو بقى روش, و دادة طلعت أم نانيس و ميدو.

أفلام العنف و الأثارة:


*أحمر شفايف البنات عمرة ما بيبوز حتى لو نايمين/ طالعين من البسين/ بيعيطوا..... الخ

*أى حد لما بيتضرب على راسه بيغمى عليه و لو مات ينزل دم من غير ما يكون فى أى تعويرة فى راسه.

*حادثة العربية: العربية بتخبط الأول و بووووووم !

انفجار مالوش أى دعوة بالعربية و لا بالمشهد كله اصلا.

*مش مهم لو فى خناقة و لقيت نفسك قدام خمسين شخص.. هتلاقيهم صبورين و بيهجموا عليك واحد واحد,

هتلاقى كل واحد داخل فيك بحركة مختلفة عن الى قبليه,

أصوات الضرب هتكون كلها بنفس الصوت, و فى الأخر هتشلفطهم كلهم !

أفلام الكوميديا:

*مهما كان موضوع الفيلم: البطل هيبقى دايما شكله.. غريب .. و البطلة هتبقى روشة طحن..

لكن ده مش هيمنع أنها تحب البطل فى أخر الفيلم و تتجوزة ! حتى لو ماجابوش سيرتها فى الجزء الثانى بتاع الفيلم!

*الأجنبى دايما هو الشخص الى عينيه زرقا و شعره فاتح

حتى لو الأنجليزى بتاعه أوحش من أنجليزى قطتك بوسى !

*و أخيرا و أخرا: هيبقى دايما فى حسن حسنى قى الفيلم !

الخميس، 31 يوليو 2008